二十一歲了。

多謝大家，真的很感激。

長這麼大以來，最高興的一個生日。

多謝包太的禮物，很窩心，很感動，很想哭，很幸福。

其實我並不是一個人，身邊有很多人對我有真誠的祝福，我會努力，努力成為一個真正的大人。

今天晚上，我真正的下定了決心，莊員們，

我地要一齊畢業，因為我真係好想好想同你地一齊拋起四方帽，真係好想同你地一齊用老鬼既身份再響城大大嗌一次，真係好想。

兩隻流浪犬，幾天幾夜不停的吠，用舌頭載水，終於救了老婦一命。

犬如此報人，人卻何以報犬呢？據說了為防止瘟疫傳播，當地要撲殺野犬。

人如此報犬。兩隻流浪犬，力竭聲嘶的，人就忍心刀斧以待嗎？

今天休息了一天。

下午在電視看了大埔對公民的比賽。很多人說，本地波，沒甚麼好看的。但我起碼看到了他們的努力，技術好像真的比不上外國的聯賽呀甚麼的。但當聽到球過門而不入的時候，全場滿有默契的「小」聲，的確頗有喜悅的感覺。不過呀，我還是覺得早幾年公民初次升上甲組時，粉紅色的那件球衣，還是比現在的好看一點。哈。

買了Fiona的國語碟，其實真係幾好聽。哈。

考完試了。

未來一年，我將會非常非常忙碌，不會有停下來的一刻。其實我有些怕，所有事好像都成竹在胸，但其實又不是。

但我有選擇的權利嗎？沒有。

依家響圖書館溫緊書，不過溫左成日，依家好疲勞呢個人。所以上泥打下野先。

尋日睇晚間新聞，見到火炬手選左出泥，響鏡頭之中，竟然見到一個熟悉既面孔，佢果然就係崔院長勒！一諗之下，如果講德高望重，又成日做運動的大專院校校長，應該都只有佢一個，我對院長最深刻既印象就係中六果年日日早上，院長都會練擲鐵餅，真係好勁。令我呢d後生既汗顏......到左中七，佢就轉型練游水。佢好似永遠都不知疲累，永遠都咁有determination......老實講真係好佩服佢。我諗，出便好多老師同校長都識得好似佢咁同學生講努力讀書、增值之類，但係可以好似佢咁言傳身教，相信都真係好少。

再講埋中學會考中文科份卷，真係令人o嘴。以後考生要習慣「見卷勿O嘴」了。考評局這次真是「試卷太屈機，考生O晒嘴」~